Вельмі лёгка трапіць у Жодзіна. Едзеце Вы з Варшавы ў Маскву, альбо з Піцера ў Львоў –
не мінаваць вам нашага гораду. Жодзіна разьмяшчаецаа на адлегласьці 50 км на Ўсход
ад Менску – сталіцы Беларусі. Прыкладна роўная адлегласьць (650км) ад Жодзіна да
Варшавы, Масквы і Кіева. Дабрацца да нашага гораду магчыма цягніком, альбо машынай. Добра разбудаваныя вуліцы
і адносна невялікія памеры гораду (прыкладна 7 х 10 км) спрыяюць зручнаму перасоўваньню па горадзе.
Колькасьць насельніцтва: 61.172
Плошча гораду: 19 км2
Калі наш горад быў яшчэ маленькім мястэчкам, то існаваў тут ўжо вялікі і магутны волат
вытворчасьці – БелАЗ. І зараз гэтае прадпрыемства зьяўляецца галоўным ў Жодзіне. Яго
250-і тонныя самазвалы вядомыя на ўвесь Сьвет. Працуе на аўтазаводзе 11 тыс. Жыхароў
горада і гэта амаль 1/6 частка насельніцтва.
Жодзіна – прыгожы горад, нягледзячы на адсутнасьць гістарычнага цэнтру. Адносна невысокія кошты на жыльлё
прывабліваюць жыхароў сталіцы. Добрае геаграфічнае становішча гораду і развітыя транспартныя камунікацыі
не замінаюць хутка дабрацца да працы, альбо кірмашу. Не мала ў нашым горадзе і паркаў, дзе можна адпачыць,
альбо проста прагуляцца. Лесапалосы, паркі і скверы гораду займаюць больш за 140 гектараў. Гарадзкі дэндрапарк
навукова-дасьледчага інстытуту земляробства налічвае больш за 70 відаў розных расьлінаў. Праз горад працякаюць 2 ракі.

Інфармацыя скарыстана з сайту http://zhodzina.info